Para Maiba Naman

Matagal din pala akong di nakapag-blag. Dami kasi trabaho. Habang click ako ng click kung saan saan kasabay ng pagwawala ni Alanis Morissette sa aking media player, napansin kong puro Ingles ang aking blag. At nagbalik sa aking ala-ala na trenta minutos kong pinag-isipan ang mga blag na yan bago nabuo.Eh kasi nga Ingles. Di katulad pag tagalog, dire-diretso lang ang pag type.
Kaya naman naisip ko na tagalugin naman ang aking mga blag. Dahil nga matagal na akong di nakapag blag eh naipon at dumami ng dumami ang nilalaman ng aking puso't isipan na noon ay karaniwan kong isinisiwalat sa pamamagitan ng pagsusulat.
Ang unang bagay na bumabagabag sa akin ay hindi ang impeachment ni Gloria at ang "Gloriagate Scandal" dahil mga peste sila lahat. Ang aking ikinababahala ay dahil wala akong maisip na dapat kong ikabahala na dapat talaga sa sitwasyon ko ngayon ay dapat na ako'y nababahala ngunit wala.
Ako ba ay isa ng bato? Insensitib?Paralisado?
Palagay ko naman ay hindi dahil nalasahan ko pa naman ang ulam kong "Century Tuna - Flakes in Oil" na tinanghalian ko kanina. Naisip kong masarap palang ulam ang mantika. Puro kasi oil ang "Century Tuna" pero natuwa naman ang bituka ko dahil hindi siya kumalam nung alas tres na.
Gabi na. Uuwi na ko. Siguro wala ng traffic.
Bukas ko na lang ulit ang kabaliwang ito.